إلى شيعة النجف الأشرف إلى شيعة كربلاء المقدسة إلى شيعة قم المقدّسة

بقلم الشيخ منتظر الكعبي.
___________بالجلفي

رسالة رقم (٢)
إلى شيعة النجف الأشرف 
إلى شيعة كربلاء المقدسة
إلى شيعة قم المقدّسة

يابه يا كبارنه ترى انتم ناس ينعتب عليكم وأنتم كلكم اصحاب شيبة وتعرفون الله يستحي من صاحب الشيبة
ترى صحيح جيش المهدي عدهم اخطاء بزمن الطائفية بس يا ناس ترى هم عدهم ايجابيات
يعني ابسط مثال تنظيم القاعدة گام يكتل حتى الحلاقين
وخصوصا بالشعلة والحريّة وبغداد الجديدة والمدائن والراشدية وحي الجهاد والمحمودية !!!
وتعرفون بذيچ الفترة شلون جيش المهدي وگف ودافع وقاتل وانطه ( قتلى ) حسب ما يگول واحد منكم !!
المهم يعني اي بيت بي الخيِّر وبي المو خيّر وماكو واحد معصوم ما عدا أهل البيت ع
وحتى انتم يصير عدكم خطأ في استنباط الحكم الشرعي في بعض الأحيان
لهذا تعملون بالأصول العملية وتحتاطون لانه ماكو دليل قوي مو لو مو مو ! يعني عادي الانسان يخطأ ويتراجع عن خطأه !!
يعني مثلاً ( مشعان الجبوري ) چان بالقاعدة وتاب اليوم خلّوا بالحشد المقدَّس !!!
يعني عادي اذا واحد بالحشد ويبوگ ويلزمونه بالسيطرة مال التاجي ويسلمونه لمركز الشرطة ويجي الحزب التابع اله هذا الحرامي الحشداوي ويقتحم المركز ويطلق سراح صاحبه !!
يعني جداً طبيعي ناس لا صلاة ولا صوم وتشرب عرگ ومعروفة بأفعالها المشينة تصير بالعصايب !!
عادي وتاخذ راتب من الخمس الي يلمونه من الناس !!
جداً طبيعي من تحاسب جيش المهدي لانه واحد منهم اخطأ بس تغلسّ عن فلاح السوداني وخالد العطية لأنهم من حزب الدعوة المعصوم !!!
ولو هو اذا شيخ المجاهدين يصلي مأموم جماعة خلف نوري ابو احلام !!!
يا شيخ يا مجاهدين يا وزارة النقل يا ميزانية الحشد
يا ٢٧ الف اسم حصته من الحشد الشعبي وهو ما لازم الا محور او محورين !!!
ولو هسه راح اطلع كافر لان حچيت على هادي
وخاطبت أنبياء النجف وقم وكربلاء !!!

* لحد يگلي وين كتلة الأحرار عن المعتقلين لانه الي عطل التصويت همه الشيعة ( التخالف الوطني ) يعني اتباع النجف وكربلاء وقم !! نقطة راس سطر ؟!!

بقلم الشيخ منتظر الكعبي